ಶ್ರೀ ಮೈತ್ರಿ ವೃಧ್ಧಾಶ್ರಮ ಇರಕಲ್ಲಗಡಾ ಕೊಪ್ಪಳ ಇಲ್ಲಿಗೆ ಭೇಟಿ ನೀಡಿದಾಗ, ಆಶ್ರಮದಲ್ಲಿ 60 ವರ್ಷಕ್ಕಿಂತ ಹೆಚ್ಚಿನ ವಯೋವೃಧ್ಧ ತಂದೆ-ತಾಯಿಗಳನ್ನು ನೋಡಿದಾಗ ತುಂಬಾ ಬೇಸರವೆನಿಸಿತು. ಅದಕ್ಕೂ ಹೆಚ್ಚು ವಿಪರ್ಯಾಸ ಸಂಗತಿಯೆಂದರೆ 9 ತಿಂಗಳು ಹೊತ್ತು ಹೆತ್ತು ಸಾಕಿದ ತಂದೆ ತಾಯಿಗಳನ್ನು ಮಕ್ಕಳು ಮನೆಯಿಂದ ಹೊರಹಾಕಿರುವುದು ನೋಡಿದರೆ ಮನಸ್ಸಿಗೆ ತುಂಬಾ ಬೇಸರವೆನಿಸುತ್ತದೆ. ಮಕ್ಕಳು ಇಲ್ಲದೇ ಇರುವ ವಯೋವೃಧ್ಧರು ಬೀದಿ, ಬಸ್ ನಿಲ್ದಾಣದಲ್ಲಿ ಭಿಕ್ಷೆಬೇಡಿಕೊಂಡು ಬದುಕುವಂತಹ ವೃಧ್ಧರಿಗಾಗಿ ದಾವಣಗೆರೆ ಜಿಲ್ಲೆಯ ಶ್ರೀ ಮೈತ್ರಿ ಅಸೋಶಿಯೇಶನ್(ರಿ) ಇವರು ಕೊಪ್ಪಳ ಜಿಲ್ಲೆಯ ಇರಕಲ್ಲಗಡಾ ಗ್ರಾಮದಲ್ಲಿ 2006 ರಿಂದ ಪ್ರಾರಂಭಿಸಿ ನಿರ್ಗತಿಕ ಹಾಗೂ ಅನ್ನಕ್ಕಾಗಿ ಪರದಾಡುವಂತಹ ವೃಧ್ಧರಿಗಾಗಿ ಆಶ್ರಮವನ್ನು ಪ್ರಾರಂಭಿಸಿ ಅವರಿಗೆ ಉಚಿತವಾಗಿ ಊಟ, ವಸತಿ, ವೈದ್ದಕೀಯ ಸೇವೆ ನೀಡುವುದರ ಜೊತೆಗೆ ಅವರಿಗೆ ಮನೆಯ ವಾತಾವರಣವನ್ನು ನೀಡುತ್ತಿರುವುದನ್ನು ನೋಡಿದ ನಮಗೆ ತುಂಬಾ ಸಂತೋಷವಾಯಿತು. ಈ ಸಂಸ್ಥಯಿಂದ ಫಲಾನುಭವಿಗಳಿಗೆ ಮರುಭೂಮಿಯಲ್ಲಿ ನೀರು ಸಿಕ್ಕಂತೆ ವೃಧ್ಧರ ಬಾಳಿನ ಬೇಳಕಾಗಿ ಆಶ್ರಮಧಾಮವಾಗಿದೆ. ಇನ್ನುಮುಂದೆ ಹೆಚ್ಚಿನರೀತಿಯಲ್ಲಿ ಕಾರ್ಯನಿರ್ವಹಿಸಲಿ ಎಂದು ಹಾರೈಸುತ್ತೇನೆ.
ಶ್ರೀ ರಾಮಣ್ಣ ಚೌಡ್ಕಿ
ಜಿಲ್ಲಾ ಪಂಚಾಯತ್ ಸದಸ್ಯರು ಇರಕಲ್ಲಗಡಾ
ಈ ವೃಧ್ಧಾಶ್ರಮಕ್ಕೆ ನಾನು ಹಲವಾರು ಸಾರಿ ಭೇಟಿ ನೀಡಿದ್ದು ಎಲ್ಲಾ ಮೂಲಭೂತ ಸೌಕರ್ಯಗಳಿಂದ ಕೂಡಿದ್ದು ಒಳ್ಳೆಯ ಸ್ವಚ್ಛಂಧ ಗಾಳಿ ಬೆಳಕು ಹೊಂದಿದ ಸುಸಜ್ಜಿತ ಕಟ್ಟಡ ವ್ಯವಸ್ಥೆಯನ್ನು ಹೊಂದಿದ್ದು ಇಲ್ಲಿನ ಸಿಬ್ಬಂದಿಗಳು ವಯೋವೃಧ್ಧರ ಮಾನಸಿಕ ಸ್ಥಿರತೆಗನುಗುಣವಾಗಿ ಕಾಯಕ ಮಾಡುತ್ತಿದ್ದಾರೆ. ಒಟ್ಟಾರೆಯಾಗಿ ಇದೊಂದು ನೆಮ್ಮದಿಯ ತಾಣವಾಗಿದೆ. ಕನಸುಗಳ ಬುತ್ತಿ ಬಿಚ್ಚಲು ಒಳ್ಳೆಯ ಸ್ಥಳವಾಗಿದೆ.
ಡಾ. ಬಿ.ಎನ್. ಹೋರಪೇಟೆ.
ಸಾಹಿತಿಗಳು ಚಲನಚಿತ್ರ ನಿರ್ದೇಶಕರು ಕೊಪ್ಪಳ
ಶ್ರೀ ಮೈತ್ರಿ ವೃಧ್ಧಾಶ್ರಮಕ್ಕೆ ಸುಮಾರು ಐದಾರು ವರ್ಷಗಳಿಂದ ಭೇಟಿ ನೀಡುತ್ತಿದ್ದೇನೆ. ನಾನು ಕೂಡ ಒಬ್ಬ ತಂದೆ ತಾಯಿ ಇಲ್ಲದ ಅನಾಥನಾಗಿದ್ದು ಸಾಕಷ್ಷಟು ಅನಾಥರಿಗೆ ಇಲ್ಲಿಯ ಎಲ್ಲ ಹಿರಿಯರ ಆಶೀರ್ವಾದ ನಮ್ಮಂತವರಿಗೆ ದೊರಕುತ್ತಿದೆ. ನನಗೆ ಕೈಲಾಗುವಷ್ಟು ಸಹಾಯ ಮಾಡಿ ಅವರ ಮಡಿಲಲ್ಲಿ ಕೆಲಕಾಲ ಸಮಯ ಕಳೆದು ಇಲ್ಲಿರುವ ಹಿರಿಯ ನಾಗರಿಕರಲ್ಲಿ ನನ್ನ ತಂದೆ ಮತ್ತು ತಾಯಿಯನ್ನು ಕಾಣುತ್ತಿರುವೆ.
ಶ್ರೀ ಬಸವರಾಜ ಮರದೂರ
ಕೊಪ್ಪಳ ಕನಸು ಪತ್ರಿಕೆ ಸಂಪಾದಕರು.
ನಾನು ಈ ಶ್ರೀ ಮೈತ್ರಿ ವೃಧ್ಧಾಶ್ರಮಕ್ಕೆ ಸೇರಿಕೊಂಡು ಸುಮಾರು 14 ವರ್ಷಗಳಾಯಿತು. ನಾನು ಮನೆಯಲ್ಲಿ ಇರುವುದಕ್ಕಿಂತ ಇಲ್ಲಿ ಚೆನ್ನಾಗಿ ಮತ್ತು ಸಂತೋಷದಿಂದ ಬದುಕುತ್ತಿದ್ದೇನೆ. ಇಲ್ಲಿಗೆ ಬರುವ ಹಲವಾರು ಜನ ಅನೇಕರು ತಮ್ಮ ತಮ್ಮ ಹುಟ್ಟುಹಬ್ಬಗಳನ್ನು ಆಚರಿಸಿಕೊಳ್ಳುತ್ತಾರೆ. ಅವರ ಜೊತೆ ನಾವೆಲ್ಲರೂ ಖುಷಿಯಿಂದ ಅವರ ಹುಟ್ಟುಹಬ್ಬದಲ್ಲಿ ಭಾಗವಹಿಸಿ ಹಾರೈಸುತ್ತೇವೆ. ಇಲ್ಲಿ ಸಮಯಕ್ಕೆ ಸರಿಯಾಗಿ ನಮಗೆ ತಿಂಡಿ, ಊಟ, ಚಹಾ ಕೊಡುತ್ತಾರೆ. ನಮಗೆ ಆರೋಗ್ಯದಲ್ಲಿ ಏರುಪೇರಾದಾಗ ಡಾಕ್ಟರ್ ಹಾಗೂ ನರ್ಸ್‍ರವರು ತಕ್ಷಣವೇ ಚಿಕಿತ್ಸೆಯನ್ನು ಒದಗಿಸುತ್ತಾರೆ. ಇಲ್ಲಿರುವ ಎಲ್ಲಾ ಸಿಬ್ಬಂದಿಗಳು ನಮ್ಮನ್ನು ಪ್ರೀತಿಯಿಂದ ಯಾವುದೇ ರೀತಿ ತೊಂದರೆಯಾಗದಂತೆ ನೋಡಿಕೊಳ್ಳುತ್ತಾರೆ. ಇವರೆಲ್ಲರೂ ನೂರು ಕಾಲ ಸುಖವಾಗಿ ಬಾಳಲೆಂದು ಹಾರೈಸುತ್ತೇನೆ.
ಶ್ರೀಮತಿ ಸಿದ್ದಮ್ಮ ತಾವರಗೇರಿಮಠ
ಫಲಾನುಭವಿ
ಶ್ರೀ ಮಲ್ಲಯ್ಯ ಹಿರೇಮಠ್ ಕುಂಬಳಾವತಿ ಗ್ರಾಮ ಕುಷ್ಟಗಿ ತಾಲ್ಲೂಕು ಸುಮಾರು 68 ವರ್ಷ ವಯಸ್ಸಿನವನಾದ ನಾನು ಕುಟುಂಬದವರೊಂದಿಗೆ ಜಗಳ ಮಾಡಿಕೊಂಡು ದಿನಾಂಕ 05.08.2017 ರಂದು ಕೊಪ್ಪಳ ಜಿಲ್ಲಾ ಇರಕಲ್ಲಗಡಾದಲ್ಲಿರುವ ವೃಧ್ಧಾಶ್ರಮಕ್ಕೆ ವಸತಿಗಾಗಿ ಕೇಳಿಕೊಂಡು ಬಂದೆನು.ಕೆಂದ್ರದ ಮೇಲ್ವಿಚಾರಕರು ನನ್ನನ್ನು ವಿಚಾರಿಸಿ ಆಪ್ತ ಸಮಾಲೋಚನೆಗೆ ಒಳಪಡಿಸಿ ದಾಖಲಿಸಿಕೊಂಡರು. ವೃಧ್ಧಾಶ್ರಮದಲ್ಲಿ ನನ್ನನ್ನು ತಮ್ಮ ತಂದೆಯಂತೆ ನೋಡಿಕೊಂಡು ವೈದ್ಯಕೀಯ ಸೇವೆಯನ್ನು ಒದಗಿಸಿದರು. ನನ್ನಂತೆಯೇ ಕೆಂದ್ರದಲ್ಲಿ ಇನ್ನು ಅನೇಕ ಹಿರಿಯ ಜೀವಿಗಳಿದ್ದು ಅವರ ಜೊತೆ ಕಷ್ಟಸುಖಗಳನ್ನು ಹಂಚಿಕೊಂಡು ಸಂತೋಷದಿಂದ ಕಾಲ ಕಳೆದಿರುತ್ತೇನೆ. ನಾನು ಆಶ್ರಮದಲ್ಲಿರುವಷ್ಟು ದಿನಗಳನ್ನು ಯಾವುದೇ ಕೊರತೆ ಇಲ್ಲದೆ ಕಾಲಕಳೆಯಲು ಸಿಬ್ಬಂದಿಯವರು ಅವಕಾಶ ಮಾಡಿಕೊಟ್ಟರು. ಕೆಲವು ದಿನಗಳ ನಂತರ ನನ್ನ ಖಿನ್ನತೆಯನ್ನು ಗಮನಿಸಿದ ಕೇಂದ್ರದ ಸಿಬ್ಬಂದಿ ನನ್ನ ಕುಟುಂಬದವರ ಜೊತೆ ಫೋನ್‍ನಲ್ಲಿ ಮಾತನಾಡಿ ಕುಟುಂಬದವರನ್ನು ಕರೆಸಿಕೊಂಡು ಅವರಿಗೆ ಮಾರ್ಗದರ್ಶನ ನೀಡಿ ಸಮಾಲೋಚನೆ ನಡೆಸಿ ಅವರ ಜೊತೆ ಕರೆದುಕೊಂಡು ಹೋಗುವಂತೆ ತಿಳಿಸಿ ನನ್ನನ್ನು ಒಪ್ಪಿಸಿ ಕುಟುಂಬದ ಜೊತೆ ಸೇರಿಸಿರುತ್ತಾರೆ. ಈಗ ನಾನು ಕುಟುಂಬದ ಸದಸ್ಯರೊಂದಿಗೆ ಖುಷಿಯಾಗಿ ಜೀವನ ಮಾಡಿತ್ತಿದ್ದೇನೆ. ಇದಕ್ಕೆ ಕಾರಣರಾದ ವೃಧ್ಧಾಶ್ರಮದ ಸಿಬ್ಬಂದಿ ಹಾಗೂ ಸಂಸ್ಥಾಪಕರಿಗೆ ಕೃತಘ್ನತೆಗಳನ್ನು ಸಲ್ಲಿಸುತ್ತೇನೆ.
ಶ್ರೀ ಮಲ್ಲಯ್ಯ ಹಿರೇಮಠ
ಫಲಾನುಭವಿ